Mimi~Celia

lunch過後, 突然接到個call, 我媽媽好關心我, 知道我今晚又有機會遲返, 佢順手拎藥去我公司樓下俾我, 感激媽媽
點知一返到公司, 見到佢既祕書姐姐眼紅紅走出黎, 衝去toilet, 奇怪啦~~~咩事, 好8 tim~~~
之後返左房, 個變態佬又黎搵我,
對話:
V : 你畫好左幾多?
我 : 8張左右
V : 哈,我多你成倍, 你咁慢, 點跟我做野, 聽日睇怕你都唔好返學啦, 唔係聽日下午前你都做唔好架啦
我 : 聽日下午...我要返學wor, 全公司都知架啦, 你冇可能唔知呀?
V : 我知呀, 但係你做唔曬, 你唔返黎做呀?
我 : 你理我呀, 你今朝話聽日收工前做起就OK, 星期六既收工時間, 從來都係自己定, 咁你冇得講要下午前俾你架wor.
V : 你咁慢呀, 俾你今晚做足24個鐘都做唔曬啦!
我 : 咁又係, 有d阻住我做野既人係我面前, 我梗做唔到野架, 如果果d無謂人唔係到, 我實快手好多呀!!!!!
V : (成塊面黑曬)你話我呀?
我 : (眼仔碌碌望住V)我冇講係邊個wor, 唔好咁敏感先得架, 而且你係我老細, 我邊敢呀?
V : 你最好係, 聽日下午我冇咁多時間同你hae呀, 你最好快手d
我 : 我都話左冇d人令我集中唔到精神, 阻住我, 我一定好快!!!!

哈哈, 最後佢認都冇認我, 就走左, yeah~~~激死你未, 哈哈~~~~
high呀, 好開心yeah~~~~~
等緊你炒我, 咁我就攞正牌放假, 如果係, 我一定會去歐洲~~~
我要搵舅母請我食成HK$200幾蚊一杯既大雪糕~~~哈哈
我既大假期, 歐洲之旅, 大大杯既雪糕, 韓國之旅(一定要孖住我既好姐妹一齊去), 舅母等我呀~~~~~~

由依家起, 每日只要係返工既日子, 就會撰錄我與V既對話, 呵呵~~~~(一定笑爆肚)

依家剛好10點, 我已經出好曬V先生要既detail圖啦, 聽日放學之後返黎在double check多次, 就交俾佢, 
反正我係佢lunch前就已經可以返到公司, 佢唔通咬我食咩, 佢都閃左人啦, 我做曬野, 我都要閃人啦~~~
聽日見~~~