Mimi~Celia

依家係偷食完lunch既小小時間, 寫返呢2日既事~~~
前日, 係我努力改圖既時候, 突然我電話響, 眼見HOME呢個字, 有d奇怪, 因為平時媽媽知道我要ot都好少打俾我, 除非好夜,
但個陣先係7點幾, 奇怪, 於是聽電話, 一拎起電話媽媽口齒不清咁同我講: 有人跳樓...係屋企對出.....
呢個call嚇到我死咁制, 到底咩事...好奇怪...根住咩都唔理, 以9秒9既時間將我自己仲要做既野, 掃曬入袋,
好好彩, 今日有開車返公司, 結果由柴灣飛返天后用左10mins.......
一入到屋見到媽媽呆左咁坐在係sofa上面, 神情呆滯, 我問佢咩事, 佢只係指住個窗,咁我咪去see, 點知真係出左事,
有個人趴左係天井位.......仲有血流出黎, 皆因我唔知有冇人報警, 再一次打去管理處講.........結果由我媽媽打俾我,
到我返home, 到police佢地黎到, 起碼有成20mins...............講真, 有得救都變冇啦
咁我倒左杯熱茶俾媽媽, 等佢定d, 我先問佢, 你仲咩突然間去窗個到望, 佢話本身佢自己煮野, 點知突然一聲巨響, 好似煤氣爆炸咁, 佢都等自己d野食整好先好睇, 都有2-3mins,
但點知一去see, 就見到咁既野......
咁我在問佢, 你除左見到個人之外, 仲有冇其他野?佢話冇, 咁我個心都定d, 因為如果俾佢見埋血, 恐怕我都要去醫院搵我媽媽~~~
到9點鬆d, 見到有燈係到閃下閃下, 而下面又好嘈, 我就再去see下, 點知個人已經蓋住黑布............唉......好地地, 點解要choose呢條路呢............
呢一晚, 媽媽訓下醒下.........唉......俾佢食左珍珠末都冇用...........

到左尋晚, 佢好似小朋友咁, 唔係返home, 結果我陪佢行左陣街, 食埋飯先返home, 好多謝我既朋友黎開解我媽媽, 亦好對唔住我既好姐妹, 因為放左佢地飛機.sorry~~
尋晚亦叫左我阿妹陪我媽媽訓, 好d, 媽媽只係醒左一次~~~但依家佢有一個後遺症, 就係唔敢望出窗~~~~~~~~~

忙呀, why,要係我最忙既時候, 咁多事發生~~~~~~~~~~~~~