Mimi~Celia

一連2日既假, 本身係3日, 因為突如其來的黑雨, 令我少左一日假, 而且令我呢個星期壓力更大, 本身考好既試, 要推遲一個week.......

8號係我表妹生日, 同佢食左飯同埋蛋糕, 第一日既假期冇咩特別事~~~
9號, 因為你突如其來既興致, 我同你就去親近久違既太陽伯伯同大自然~~~~
好健康既活動~~~12點左右, 出發去中環碼頭, 坐船去長州, 我地都係度回想緊, 對上一次去離島係幾時, 
原來已經係讀書既時候啦~仲要係去南丫島, 而我對上一次去長州係.....連我自己都已經唔記得係幾時啦..................

經過1個鐘左右既船程, 終於到達啦~~~行左一陣, 去飲茶, 好好味既蝦餃~~~~
之後就見路就行既心態一直行, 行到去沙灘, 因為冇準備會去玩水, 結果只係去左滲腳, d水好冰呀~~~
行完沙灘竟然係行山, 結果被d蚊咬左好多下~~~腳腳有好多小蚊經過既行跡, 終於行返落山啦~~~好累~~~~~
所以搵左個係岸邊既餐廳坐低休息陣, 順便飲杯冰涼既soda, 見到好靚既日落~~
我買左好多hand-made既貓貓書籤, 仲買左個平安包tim~~~
因為唔肚餓, 所以提早出返中環, 返到中環7點左右, 好累~~~~

但同久違既大自然, 太陽伯伯玩左成日, 感覺好精神呀~~~
相約好下次去南丫島yeah~~